ازيكم ازيكم انا جايه اضحك عندكم
معلش بقى انا عارفه ان دمى تقيل ورخمه شويه صغننين بس اعمل ايه
خلقه ربنا ههههههههههههه
المهم دى شويه نكت كده عشان تضحكو
عارفه انها قديمه بس ده اللى اعرفو وهتضحكم غصب عنكم
واللى مش هيضحك ولا هيقولى دمك عسل هينضرب
هههههههههههههههه
1- مرة صعيدى عايز يعمل تجربة على ضفدعة فقطع رجل وقال لها نطى فنطت قكتب الضفدعة بتلات رجول تنط، وقطع كمان رجل وقال لها نطى فنطت فكتب الضفدعة برجلين تنط، فقطع كمان رجل وقال لها نطى فنطت فكتب الضفدعة برجل واحدة تنط، وقطع الرجل الاخيرة وقال لها نطى فما نطت نطى فما نطت فكتب الضفدعة بدون رجول تفقد حاسة السمع .
:lol: :lol: :lol:
2- مره واحد فشار قوى بيقول لصاحبه انا كنت ماشى فى الصحره طلع عليا اسد نطيت في البحر،صاحبه قاله بحر ايه بس اللي فى الصحره، قال لا انا قلت لقيت ابو الهول اتشعلقت فى رقبته، صاحبه قاله وايه اللي جاب ابو الهول في الصحرا، فقال وانا ماشى فى الصحره طلع عليا اسد أكلنى.. ارتحت.
3- مره اتنين متاخرين على المدرسه الاستاذ بيسال الاول انت ايه اللى اخرك قاله كانت فيه 5 جنيه ضيعه مني وبدور عليها فمسك التانى وانته ايه اللى اخرك قاله أصل انا اللى كنت دايس عليها.
اضحكو بقول :twisted:
4- عملوا جائزة مليون جنيه للي عنده 10 عيال، واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة، راح ولما رجع ملقاش العيال سأل مراته فين العيال قالتله كل عيل أبوه جه خده.
ههههههههههههههه لا بقى دى بجد حلو اضحكو والا هطلع عينكم ههههههههه
5- مره واحد سرق فرخه وراح عند البحر نضفها وكلها جه الضابط وقاله انت سرقت الفرخه قاله لا يا باشا قاله الضابط والريش ده؟ قاله دى نزلت تستحمى و قالتلى اخلى بالى من الهدوم.
لا دى مش عجبانى هسمحلكم مش تضحكو المرة دى
6- مرة واحد مربى كتكوت مفترس كل ميدخلوا فى عشة ياكل الى فيها راح رماه فى الصحرا وبعد يومين الراجل حس بالذنب راحلو لقيه مرمى على الارض والنسور والصقور بتحوم حوليه راح الراجل قله :حبيبى انت مت ولا ايه راح الكتكوت قله : الله يخرب بيتك بوظت الكمين.
:lol: :lol: :lol:
7- مرة واحد ندل الهلال الاحمر خصم من مرتبه 20 جنية تبرع لفلسطين قام اتبرع بباقي مرتبه لليهود.
اللى مش هيضحك هيروح القسم.....وهناك بقى هيتمنى انه كان يضحك
8- مره واحد معاه فيات قديمه ماشى بيها على الصحراوى عطلت منه فقام شاور لعربيه على الطريق طلع صاحبها واد روش معاه مرسيدس فقام قاله بص يا عمو أنا هجرك لحد الرست و بعدين صلح عربيتك بس لو لقيتنى سرعت رعشلى نور وربطوا العربيه وطلعوا قامت عربيه بى ام عدت صاروخ من جنبهم راح الواد بتاع المرسيدس فاتح وراه وبتاع الفيات شغال يرعش نور للمرسيدس ولا هو هنا فالرادار صورهم ، ظابط المرور راح متصل بالكمين وقال لهم هتعدى عليكوا عربيتين واحده مرسيدس و بى ام سيبوهم و هاتوا الكلب بتاع الفيات اللى بيرعشلهم وعايز يعدى منهم.
ههههههههههههههههههههه لا بجد حلوة دى
يالا بقى هرحمكم من رخامتى كفايه عليكو كده ليجيلكو الضغط ههههههههههههه
الموضوع الاصلى :
نكت عالماشى المصدر :
المبدع المصرى الكاتبليه كده